JANUARY 2020

ANO NA BA NANGYAYARI?

• v   Iran vs US
• v  Australia Bushfire
• v  Taal eruption
• v  Corona virus
• v  Earthquake sa Turkey at kung saan saan
• v  Kobe paalam na “huhuhu”

Kung ano anong masasamang pangyarari at balita ang nangyayari sa paligid simula 2020. Eto ba yung sinasabi nilang year of the Rat….year of problem? Totoo nga ba na tag hirap? Totoo nga ba na puro problema ang taong ito?

May mga bagay talaga sa buhay na nangyayari na di natin gusto, may mga bagay na hindi natin kontrolado. Sabi nga may mga bagay na kahit ayaw natin nangyayari at mangyayari. Kaya ang tanong? Paano na? Ano na ang gagawin ko? May pag asa pa ba?

Sabi nga ng matatanda, “habang buhay may pag asa”, kaya isa pinakamagandang magagawa natin ay una sa lahat:

POINT YOUR LIFE TO JESUS – Tutok natin ang buong pagkatao natin sa ating Panginoong Hesus. Sabi nga “ Sa mga bagay na wala ka ng magagawa, si Kristo ang bahala”. Jesus has done it all for us. He even gave up His life para maligtas ka lang I am sure tapat siya nung sinabi nya na “ I will never leave you nor forsake you”. Kapit lang sa kanya kapatid kasi mahal na mahal ka niya.

RENEW YOUR MINDSET – Sabi nga “Garbage in garbage out”. Pag nag isip tau ng negatibo, negatibo na din ang pananaw natin sa buhay. Yes, we cannot argue the fact na may mga problema sa buhay external man o internal pero PWEDE natin baguhin ang pananaw ng ating isip. Imbes na tignan ang pangit at pait, tignan ang buti at ganda. Imbes  na tignan ang wala, tignan ang meron ka. Oo totoo nakakalungkot wala na si Kobe, pero atleast andyan ka pa, buhay ka pa, may magagawa ka pa. Friends, kahit ano pa ang mangyari sa buhay “LIFE WILL GO ON” kasama ka man o hindi. Iikot ang mundo ano man ang mangyari dito. It’s your CHOICE how do you want to live your life. Ano ba gusto mo? Maganda o pangit?

ALWAYS HOPE FOR THE BEST – After we renew our mindset let’s always hope for the best. Laging tandaan, kahit na ang pinaka malakas na bagyo huhupa din, hihinto din. Magpapakita pa din ang haring araw. Kaya kapatid, ano man ang nangyayari sa paligid laging isipin may mga magaganda pa ding mangyayari sa buhay mo. Makakatapos  ka sa pag aaral, makakatapos sa pag aaral ang anak mo, makaka bayad ka din ng mga utang, magiging healthy ka din, yayaman ka di, sisikat ka din, gaganda ka din, popogi ka din, papayat ka din, se sexy ka din, magkaka boyfriend ka din (hoy lalaki ka din..hehehe) – gaganda din ang buhay mo. Gaganda at aayos din ang lahat.

YEARN TO BE JOYFUL – Maging masayahin! If there is one good trait about us Filipinos ito ay yung masayahin tayo. San ka nakakita, binagyo na ni Ondoy, na baha na, nalindol na, “nag se selfie pa!” – at ang caption “Simply me, enjoying life”(hehehe)  tapos ang background nasa evacuation center… minsan naman may mga reporter sa evacuation site, andun sa may camera pakaway kaway pa…hehehe..masayahin talaga. Hindi naman masama yun, siguro nasanay na tayong mga Filipino na tawanan nalang ang problema dahil alam natin mababago din yan.  Huhupa din ang bagyo, baha at lindol. Titigil din ang digmaan, pero ang buhay natin magtutuloy tuloy pa din. At mas masarap na harapin ang bukas na puno ng pag asa, puno ng ngiti at saya.

So paano natin haharapin ang mga pagsubok na ito? Point to Jesus, Renew mindset, Always hope for the best and Yearn to be joyful…paano gagawin..look at the acronym. “P. R. A. Y”. Tama! Ano man ang mangyayari at mangyayari sa buhay natin, ilapit at ipagkatiwala natin sa ating Panginoon…bakit? Siya lang naman ang may magagawa…kaya sa kanya lang mag tiwala..dahil ang sabi nya “

“I WILL NEVER LEAVE YOU NOR FORSAKE YOU!” God bless